قصة آية 1

السلام عليكم ورحمة الله وبركاته يا احباب
رمضان مبارك عليكم جميعاً ^^ ونسال الله ان يتقبله منا

كان عمر بيقرأ في سورة البقرة قول الله تعالى
" إِنَّ الَّذِينَ آمَنُوا وَالَّذِينَ هَادُوا وَالنَّصَارَى وَالصَّابِئِينَ مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ(٦٢) "

ف دخل عليه ابنه محمد وهو متعجب : يعني النصارى هيدخلوا الجنة ؟

ف ابتسم عمر وقاله لأ يا حبيبي ، وانما الاية دي نزلت في النصارى اللي كانوا موجودين قبل النبي صلى الله عليه وسلم وكانوا بيتبعوا الدين الحق والنصرانية الصحيحة ، ولو كانوا حضروا النبي صلى الله عليه وسلم كانوا هيآمنوا بيه.

محمد : طيب ازاي عرفنا ان الاية بتتكلم عن النصارى اللي قبل الاسلام ؟

عمر : دا علم من علوم القرآن اسمه علم نزول الايات ودا بيحكي الموقف اللي بسببه ربنا انزل الاية ، وبناخده من الأحاديث الواردة عن النبي صلى الله عليه وسلم وعن الاثار الصحيحة.

محمد : الله !! انا عايز اعرف سبب نزول الايات كلها يا ابي.

عمر : خلاص ، اذن كل يوم ان شاءالله نقعد مع بعض ونتعرف على سبب نزول آية من القرآن ^^

تابعوا معانا كل يوم ان شاءالله الساعة 11 مساءًا ، عشان نتعرف على اسباب نزول الايات ونقدر نقرأ الاية واحنا فاهمينها بعد كدا وعارفين ليه ربنا انزلها💙

⚙️